काठमाडौं । चीन भ्रमणमा रहेकी परराष्ट्रमन्त्री डा.आरजु राणा देउवा र उनका चिनियाँ समकक्षी वाङ यीबीच औपचारिक भेटवार्ता हुन लागेको छ ।
दुवैबीच चीनको सिचुआन प्रान्तको राजधानी छन्तुमा औपचारिक हुने छलफलअघि मन्त्री राणाले त्यहाँस्थित नेपाली महावाणिज्य दूतावासका अधिकारीहरुसँग छलफल गरेकी छन् ।
प्रधानमन्त्री केपी ओलीले सोमबारदेखि गर्न लागेको चीन भ्रमणको एजेन्ढडालाई अन्तिम रुप दिन परराष्ट्रमन्त्री राणा बिहीबार चीन गएकी हुन् ।
परराष्ट्रमन्त्री राणाले सामाजिक सञ्जालमा दिएको जानकारीअनुसार आगामी वर्ष चीनले आयोजना गर्न लागेको नेपाल भ्रमण वर्ष २०२५ र चीनसँगको कूूटनीतिक सम्बन्ध स्थापनाको ७० औं वर्षगाँठको अवसरमा विभिन्न कार्यक्रम गर्न सकिने महावाणिज्यदूतको भनाइ छ । नेपालमा धेरै चिनियाँ पर्यटक भित्र्याउन र चीनमा नेपाली चिया, कफी, जडिबुटी र खाद्य वस्तु निर्यात गर्न सकिनेबारे पनि छलफलमा चर्चा भएको उल्लेख छ ।
