काठमाडौं, २० असोज । कांग्रेस सभापति गगन थापाले पुन: सोही पदका लागि मनोनयन दर्ता गराएका छन् । थापाले मंगलबार साँझ ६ बजेतिर सभापतिमा उम्मेदवारी दर्ता गरेका हुन् ।
कांग्रेस नेतृत्वका लागि किशाेरसिंह राठाैर र श्यामकृष्ण खड्गीले पनि उम्मेदवारी दिएका छन् । राठाैर पूर्वसहमहामन्त्री हुन् । खड्गी काठमाडौं कांग्रेसका क्षेत्रीय नेता हुन् ।
कांग्रेसको १५औँ महाधिवेशनमा मनोनयन दर्ताको समय सकिएकाे छ। कांग्रेसको २९१ केन्द्रीय कार्यसमितिका लागि एक हजार जति उम्मेदवार मैदानमा खडा हुने देखिएको छ ।
निर्वाचन समितिका अनुसार हालसम्म महामन्त्री पदमा ११ जनाको उम्मेदवारी परेको छ । कांग्रेसको संशोधित विधान अनुसार एक महिलासहित तीन महामन्त्री निर्वाचित हुनेछन् ।
